БАЙГУУЛЛАГЫН ЭРСДЭЛИЙН УДИРДЛАГЫГ ХЭРЭГЖҮҮЛЖ, ГҮЙЦЭТГЭЛИЙГ САЙЖРУУЛАХААР АЖИЛЛАЖ БАЙНА

Байгууллагын алсын хараа, эрхэм зорилго, зорилт чиг үүргийг хэрэгжүүлэхтэй холбоотой учирч болзошгүй эрсдэлийг Олон Улсын стандартын байгууллагын “Эрсдэлийн удирдлагын зарчим ба стандарт” ISO:31000, ДГБ-ын “Эрсдэлийн удирдлагын компендиум” болон бусад олон улсын стандарт, тэргүүн туршлагад суурилан мэргэжил, арга зүйн зөвлөмж олгох “ЭРСДЭЛИЙН УДИРДЛАГЫН ХЭРЭГЖҮҮЛЭХ ОНОЛ, ПРАКТИКИЙН АСУУДАЛ” уулзалт, сургалтыг ГЕГ-ын удирдлага, СХОГ, ХШҮДАГ, ЭУХ, ДХАБХ хамтран өнөөдөр буюу 2024 оны 09 дүгээр сарын 25-ны өдөр зохион байгууллаа.

Уг уулзалт, сургалтад Гаалийн ерөнхий газрын зохион байгуулалтын бүтцийн нэгж дэргэдэх байгууллага, харьяа гаалийн газар, хороодын 50 албан хаагч хамрагдлаа.

Энэхүү сургалтын үр дүнгээр гаалийн байгууллагын 2025-2028 оны Стратеги төлөвлөгөөг шинэчлэн боловсруулах, байгууллагын үйл ажиллагааны бүх шатанд эрсдэлийн удирдлагыг хэрэгжүүлэх, чадавхыг бэхжүүлэхэд хувь нэмрээ оруулах юм.